Во рамките на културното лето „Битфест“ вечерва во Битола изложба на Ладислав Цветковски и Евгениј Пантев

Битола, 23 јуни (МИА) - Вечер во битолската Магаза, во рамките на културното лето „Битфест“ со заедничка изложба ќе се претстават Ладислав Цветковски од Скопје и Евгениј Пантев од Софија, Бугарија.

Ладислва Цветковски освен со ликовна уметност се занимава и со графички дизајн. Во изминатиот период дизајнирал значајни монографски изданија за македонската Влада и парламент, а за монографијата „Икони“ од Музејот на Македонија добил и посебна награда.

Цветковски е автор на повеќе самостојни изложби во земјата и странство кој вечерва ќе се претстави со графички записи изработени во традиционалната графичка техника-сува игла.  Со Цветковски ќе настапи и уметникот Евгениј Пантев од Софија, Бугарија. 

Битолското културно лето свечено беше отворено синоќа со претставата на народниот театар од овој град „Хераклеја и Ликиниј“ во режија на Сашо Огненовски.