Оливер Белопета избран за член на бордот на Европскиот форум на фестивали на музика на светот Скопје, 4 април (МИА) - Директорот на Скопскиот џез-фестивал Оливер Белопета е избран за член на бордот на Европскиот форум на фестивали на музика на светот (EFWMF) на Генерално собрание на Форумот што се одржа во Марсеј, Франција.
- Европскиот форум е меѓу најпрестижните музички асоцијации во светот, кој функционира под покровителство на Европската унија и го сочинуваат најголемите европски, но и светски фестивали на т.н. музика на светот, како и најзначајните светски радиостаници и институти што се занимаваат со етно музика, соопшти Скопски џез-фестивал.
Скопскиот џез-фестивал членува во таа организација преку својата втора музичка манифестација Офф-Фест, која ја организира од 2002 година.
|