Велес, 11 септември (МИА) - Разговорите за разликите за името со Грција ќе почекаат поради изборите во Грција, изјави денеска претседателот Ѓорге Иванов, кој во Велес беше во посета на првата населба „Хабитат“ во Македонија.
- Се надевам дека потоа ќе дојдат нови политичари со оптимистички најави и оти ќе можеме да најдеме решение за спорот околу името, рече Иванов.
На новинарско прашање за брзото решавање на спорот меѓу Словенија и Хрватска, а споредено со македонско-грчките разлики за името, шефот на државата рече оти тоа се неспоредливи спорови.
- Да имавме таков спор и ние ќе го решевме. Нашиот спор е сосема поинаков и неспоредлов со она што се случуваше меѓу Словенија и Хрватска. Ние правиме се да го решиме нашиот спор, кој бара многу поинаков третман, оцени претседателот Иванов.