Њујорк, 9 октомври (МИА) - Генералниот секретар на ОН Бан Ки-мун во интервју за германскиот медиумски концерн ВАЦ истакнува дека очекува по изборот на новата Влада на Грција да се најде решение за долгогодишниот спор за името со Македонија.
Првиот човек на Светската организација, сепак, вели дека нема временска рамка за затворање на прашањето.
- Мојот специјален пратеник посветено работи да се најде заедничко прифатливо решение за прашањето за името. Во текот на досегашните разговори беа разгледувани повеќе опции, идеи и сугестии, но за жал не успеавме да дојдеме до брзо решение. Се надевам дека тоа ќе се случи по изборот на новата Влада во Грција. Тоа е моето очекување и продолжиме да работиме на тоа, изјави Бан Ки-мун.