Скопје, 19 октомври (МИА) - Судскиот процес за сообраќајната несреќа во која загина македонската музичка ѕвезда Тоше Проески треба да продолжи денеска во скопскиот Кривичен суд.
Последното рочиште од судењето што почна пред една година во кое како обвинет е Ѓорги Ѓорѓиевски, возачот на џипот на Тоше, беше одложено пред пет месеци затоа што пред Судот не се појави возачот на камионот Славиша Кузмановиќ во кој се удри џипот.
Адвокатот на обвинетиот Ѓорги Ѓорѓиесвки, Силвија Џилвиџиева, смета дека само со непосреден распит на возачот на камионот ќе се расчистат многу дилеми што се однесуваат на несреќата.
Од македонското Министерство за правда, пак, велат дека Кузмановиќ и да ја прими поканата, сам решава дали ќе ја прифати и ќе дојде на судење.
Трагедијата во која животот го загуби 26-годишниот Проески се случи пред две години на 16 октомври на автопатот Белград - Загреб, во близина на Нова Градишка.