Гостивар,11 ноември (МИА) - Истражен судија од Основен суд Гостивар одреди мерка притвор во траење од 30 денови на Т.К. (28) и гостиварецот С.Ш. (25), осомничени за полов напад над малолетно девојче, информираат од МВР.
По откривањето на случајот со сексуална злоупотреба, гостиварската полиција со пријава дека сториле кривично дело „полов напад врз дете“ и „подведување и овозможување полови дејствија“ осомничените ги предаде на истражен судија.
Полицијата, претходно ги приведе мајката на девојчето кое претходно било исчезнато и гостиварецот кој сексуално ја злоставил. Според МВР, мајката ја однела својата ќерка во домот на С.Ш. наводно за да ја омажи за него и во два наврати му дозволила тој полово да ја злоупотреби.
Во гостиварско годинава ова прв случај на злоупотреба на малолетник, а регистрирани се и два обиди.