Гостивар, 26 февруари (МИА) - Две лица го загубија животот, а две се тешко повредени во судар меѓу камион и патничко возило што се случи попладнево на магистралниот патен правец Гостивар-Кичево, во близина на бензинската пумпа „Бунар петрол“.
На самото место загинале возачот и совозачот во патничкото возило „опел астра“ со скопска регистрација. Тешко повредените патници меѓу кои и едно дете кои се превезувале во ова возило се пренесени на скопските клиники.
Возачот на камионот кој е со албански таблички се здобил со полесни повреди.
Полицијата го обезбедува местото на сообраќајната несреќа. Се очекува да пристигнат експерти од крим техника, истражен судија и јавен обвинител. Воведен е посебен режим за движење на возилата во делот на патот од наплатната рампа до надвозникот за влез во Гостивар.
Се претпоставува дека причина за несреќата е неприлагодина брзина на условите на патот.