Ограбена експозитура на Комерцијална банка во скопско Ново Лисиче, разбојниците уапсениСкопје, 4 октомври 2010 (МИА) - Ограбена е експозитура на Комерцијална банка во скопската населба Ново Лисиче, по што полициските „Алфи“ утрово експресно уапсиле двајца разбојници кои го извршиле грабежот.
Информацијата за грабежот ја потврди и портпаролот на МВР Иво Котевски и појасни дека утрово околу 8.45 часот се уапсени две лица кои маскирани и со закани со пиштол ги украле парите и излегле од експозитурата на банката на ул. „Видое Смилевски-Бато“.
Во моментот се врши увид на местото и се работи на расветлување на случајот, по што ќе се преземат соодветни мерки, посочуваат од МВР.
|