Охрид, 8 ноември 2010 (МИА) – Непознато лице синоќа извршило оружен грабеж во маркет во центарот на Охрид.
Според првичните информации, маскирано лице вооружено со пиштол синоќа околу 20 часот упаднало во маркетот „Топ Маркет“ на булеварот „Туристичка“ во Охрид и под закана со оружје го извршило грабежот односно го однел дневниот промет. Нема информации за повредени во инцидентот.
Се очекува полицијата која работи на расветлување на случајот денеска да соопшти детали за инцидентот.