Скопје, 8 февруари 2011 (МИА) - Кривичниот совет на Основниот суд Скопје 1 Скопје денеска ги уважи жалбите на управителот на правното лице „А1 Телевизија“ ДООЕЛ Скопје, против решенијата на истражниот судија на овој Суд, за привремено замрзнување на банкарските сметки на ова правно лице и на другите правни лица во случајот „Пајажина“.
- Во врска со поднесените жалби на управителот на правното лице „А1 Телевизија“ ДООЕЛ Скопје, против решенијата на истражниот судија на овој суд, за привремено замрзнување на банкарските сметки на ова правно лице и на другите правни лица, а заради привремено обезбедување средства што се во врска со кривичните дела, денеска Кривичниот совет на овој суд донесе Одлука - Решение со која жалбите ги уважи, а по повод жалбите и по службена должност, решенијата на истражниот судија ги укина и предметите ги врати на повторно одлучување, се вели во денешното соопштение од Канцеларија за односи со јавност при Основен суд Скопје 1 Скопје.