Скопје, 8 февруари 2010 (МИА) - Генералниот секретар на Собранието Жарко Денковски денеска излезе со тврдење дека му биле подметнати патните налози за патување на пратеникот Владо Бучковски во Израел.
Денковски рече дека имал целосна доверба во собраниските служби и патните налози ги потпишал иако за тоа немал одобрение од претседателот на Собранието.
Пратеникот Владо Бучковски, кој е првообвинет во случајот „за набавка на резервни делови за армиските тенкови“, и денеска не се појави на судењето. Неговиот адвокат Никола Поленак во Основниот суд Скопје 1 достави докази дека Бучковски е на службено патување во Израел и оти неговото отсуство е оправдано.
Пратеничката Лилјана Поповска од ДОМ, според Денковски, добила налог за патувањето во Латвија, а не за во Израел и не знае како поканата за патувањето во Ерусалим завршила за потпис до пратеникот Павле Трајанов зашто комисиите немаат надлежност за потпис на патни налози.