Љубљана, 15 февруари 2011 (МИА) - Претседателот на Република Македонија Ѓорге Иванов од денеска ќе престојува во дводневна официјална посета на Република Словенија.
За време на посетата Иванов ќе се сретне со неговиот словенечки колега Данило Тирк, а ќе оствари средби и со премиерот Борут Пахор, потпретседателот на словенечкиот Парламент Миран Покрч, како и со градоначалникот на Љубљана Зоран Јанковиќ.
Иванов утре ќе присуствува на Бизнис-форум на кој ќе бидат претставени можностите за деловна соработка меѓу двете земји, а ќе се сретне и со претставници на македонската заедница во Словенија.
Во рамки на посетата ќе биде потпишан протокол за соработка меѓу двете земји во областа на образованието од страна на министерот за образование и наука Никола Тородов и словенечкиот министер за високо образование, наука и технологија Грегор Голобиќ.
Покрај министерот Тодоров, во составот на македонската делегација се и вицепремиерот задолжен за економски прашања Владимир Пешевски и директорот на Агенцијата за странски инвестиции Виктор Мизо.