Скопје, 5 мај 2011 (МИА) - Рокот за доставување на листите со кандидати за пратеници за претстојните парламентарни избори до Државната изборна комисија истекува ноќеска на полноќ.
По приемот на листите, ДИК ќе организира жребување за утврдување на единствената листа на кандидати за избор на пратеници во Собранието на Република Македонија на 13 мај.
Синоќа на полноќ истече рокот за пријавување за гласање на македонската дијаспора за претстојните предвремени парламентарни избори истекува. Според податоци на Државната изборна комисија, за гласање во македонските дипломатско-конзуларни претставништва во странство до вчера се пријавиле околу 2.000 иселеници.
Сите македонски граѓани чии пријави ќе бидат потведени од ДИК ќе можат да го остварат своето право на глас на 4-ти јуни, ден порано од денот на изборите во земјава.
Македонските државјани од дијаспората треба да изберат тројца пратеници во Собранието на Македонија, по еден од трите изборни единици - Европа и Африка, Северна и Јужна Америка, и Австралија и Азија.
Синоќа на полноќ истече и рокот во кој граѓаните можеа да извршат увид во Избирачкиот список и доколку имаат забелешки да достават барања за бришење или измена на податоци.