Скопје, 13 јули 2011 (МИА) - Подрачјето на Македонија до сабота ќе биден под влијание на топла воздушна маса од северна Африка која ќе услови сончево и многу топло време со температури над 33 степени.
Како што соопшти Управата за хидрометеоролошки работи (УХМР), во југоисточните делови на земјата температурите ќе достигнат и до 40 степени.
УХМР препорачува од 11 до 16 часот да се избегнува изложеност на директно сончево зрачење поради високата вредност на УВ индексот.