Скопје, 5 септември 2011 (МИА) - Територијата на Македонија од денеска попладне до среда ќе биде под влијание на влажна и нестабилна воздушна маса од северозападна Европа. Времето ќе биде нестабилно облачно со повремен дожд и грмежи, а локално ќе има појава на невреме со интензивен пороен дожд, силни електрични празнења, ветер и град. Температурата ќе опадне за шест до осум степени.
Синоптичарите препорачуваат поголема внимателност во случај на појава на електрични празнења, да не се престојува на отворен простор и под осамени дрвја.
В четврток и петок, како што информира УХМР, ќе преовладува променливо облачно време на места со слаб дожд.