Почна културната манифестација „Рома Тумба фест Куманово 2011“

Куманово, 6 септември 2011 (МИА) - На градскиот плоштад во Куманово вечерва почна шестиот фестивал на дувачки оркестри „Рома Тумба фест Куманово 2011“.

- Оваа година имаме исклучително богата програма со реномирани гости и задоволни сме од  големиот број на посетители. Предвидено е оваа вечер да настапат оркестрите од Србија „Демиран Ќеримовиќ“ од Врање, „Кристијан Азировиќ“, „Елвис Бајрамовиќ“ од Бојник и пеачи од Македонија. Утре ќе се натпреваруваат оркестрите „Агушеви Џамбо“ и „Млади Агушеви“ од Струмица, „Шампиони Филип“ од Радовиш, „Сергедин Дурмишев“ од Штип, „Илми Агушев“ и „Млади звезди“ од Струмица, изјави директорот на фестивалот, Самет Салиевски.

Фестивалот го отвори градоначалникот на општина Куманово, Зоран Дамјановски.

- Фестивалот секоја година е се поуспешен, бидејќи настапуват квалитетни дувачки оркестри од Македонија, но и од соседството, посочи градоначалникот Дамјановски.

Манифестацијата е дел од програмата „Кумановско културно лето 2011“ и се одржува  под покровителство на градоначалникот и Советот на општината.