Сега е погоден момент за решавање на спорот за името на Република Македонија. Целиот свет сака да се најде решение за овој спор. Тоа би било добро за целиот регион, но и за Европа во овие тешки времиња.
Ова го изјави во интервју за Канал 5 меѓународниот посредник меѓу Атина и Скопје Метју Нимиц.
- Двете земји имаат искусни лидери, нови влади. Постојат пријателски односи меѓу двајцата премиери. Тие можат да преговараат директно и отворено и ова е голем плус. И токму поради сето тоа мислам дека сега е моментот да се направат обиди за решавање на спорот, рече Нимиц.
Македонија одбележува 20 години од нејзината независност како суверена држава. Тоа е одлично, истакна Нимиц и додаде дека ќе биде убаво да се реши овој проблем, но прашањето за мисијата на НАТО, а процесот за пристапување кон Европската унија да започне со нова динамика.