Скопје, 16 септември 2011 (МИА) - Лидерот на Обединети за Македонија Љубе Бошкоски, кој веќе три месеци се наоѓа во притвор, јавно му се извини на Сашо Мијалков, директор на Управата за безбедност и контраразунавање.
- Јавно му се извинувам на г-динот Сашо Мијалков за изречените клевети и навреди од моја страна, а кои се предмет на приватни тужби, стои во писменото јавно извинување.
Бошкоски посочува дека овие навреди и клевети ги изрекол врз основа на погрешни информации и податоци кои дошле до него.
На Бошкоски ќе му се суди за нелегално финансирање на предизборната кампања, откако беше уапсен на 6 јуни пред ресторанот „Воденица“ во Скопје. При апсењето кај него беа пронајдени 100.000 евра.