Лејк Хајс, 30 септември 2011 (МИА) - Македонскиот државјанин Сашо Ристевски (37) бил убиен синоќа пред неговите родители во нивната семејна куќа во Илавара, Австралија.
Како што објави на своето веб издание весникот „Илавара Меркјури“, Ристевски бил нападнат и убиен од три лица, по претходна расправија, за што сведочат соседите. Претходно, тројцата напаѓачи ги вознемирувале и им се заканувале на неговите родители.
Напаѓачите веднаш по убиството се избегале. Ристевски починал и покрај интервенцијата на медицинската помош. Сеуште не се познати мотивите за убиството.