Почина големата легенда на македонската народна музика Гоце Арнаудов. Арнаудов, на 52-годишна возраст ја изгуби битката со ракот, од кој извесен период боледуваше.
Арнаудов е роден во Струмица на 19 август 1959, а уште од својата 10-та година пројавува интерес за музиката, кога почнува да свиги гитара и да пее заедно со својот татко.
По завршувањето на средното образование формира групата „Крик“, со која настапува низ Југославија. Во 1993 година се враќа во Македонија и за набргу, со својот енергичен глас и сценски настап ги освојува симпатиите на публиката, но и главните фестивалски награди.
Во 1994 година на Фолк фест - Валандово со песната „Дали чекаш стара мајко“ ги освојува сите можни награди, а во својата музичка кариера под неговото име се запишани над 200 песни, од кои 60 имаат освоени разни награди.