Париз, 7 декември 2011 (МИА) - Официјален Париз ја зема предвид пресудата донесена на 5 декември од Меѓународниот суд на правдата, во која беше оценето дека Грција не ги почитуваше своите обврски спротивставувајќи се на членството во НАТО на „Поранешната Југословенска Република Македонија“, поради разликите кои постојат меѓу двете земји околу прашањето за името“,
Во официјалната реакција на портпаролот на француското Министерство за надворешни работи Бернар Валеро, инаку поранешен француски амбасадор во Македонија, истовремено се испраќа и повик до политичките раководители во двете земји да извлечат поука од пресудата, јави дописникот на МИА од Париз.
- Ги повикуваме политичките раководители на двете земји да извлечат поука од пресудата и повторно да воспостават дијалог и контакти, како и да се посветат на дијалогот на конструктивен начин, со цел да се постигне заемно прифатливо решение за разликата околу името, стои во реакцијата на француското Министерство за надворешни работи.