Скопје, 25 јануари 2012 (МИА) - Сообраќајот на сите патни правци во државата е нормализиран за сите видови моторни возила, соопшти попладнево Авто мото сојузот на Македонија.
Поради снежните врнежи утринава беше воведена забрана за тешки товарни возила на планинскиот превој Стража, а на патниот правец Крива Паланка-Деве Баир беше задолжителна употребата на зимска опрема за тешки товарни возила.
Забрана за тешки товарни возила имаше и на патниот правец Гостивар – Стража – Крак–Маврово–Дебар, како и на планинскиот превој Плетвар.
Сообраќајот на магистралните и регионалните патни правци се одвива во зимски услови, забавено и отежнато по влажни коловози.