Утре и во понеделник предпладне ќе преовладува облачно време со повремени врнежи од дожд, а на планините од снег. Врнежите од дожд во текот на денот и на повисоки места постепено ќе преминуваат во снег, најавија од Управата за хидрометеоролошки работи.
Оттаму очекуваат врнежите да бидат пообилни во западните и јужните делови на Македонија. Се очекува формирање на нова снежна покривк, особено во западната дел на земјата. Температурата ќе биде во значително опаѓање.
Во понеделник ќе дува засилен, а повремено силен северен ветер, кој на моменти локално ќе достигнува брзина над 90 километри на час.
Во почетокот на наредната недела времето ќе биде променливо облачно, студено и ветровито, а од четврток повторно се очекува затоплување.
Од УХМР предупредуваат оти во наредниот период се очекува поинтензивно топење на снежната покривка и постепено зголемување на водостоите на реките.