Следува вистинска пролет: Температури и до 24 степени

Ни претстојат вистински пролетни денови, а метеоролозите најавуваат претежно сончево време со пораст на температурите кои ќе достигнат и до 24 степени.

 Низ целата државата утре ќе биде претежно сончево време со температура до 17 степени.

Во Маврово утре ќе биде најстудено, каде живата на термометарот ќе биде седум степени над нулата, додека Гевгелија ќе биде најтопол град со 17 степени.

На крајот на работната недела не’ очекува сончево време со температура до 18 степени, која во деновите од викендот постепено ќе се зголемува.

Оние кои планираат да заминат некаде во природа за викендот, ќе имаат одлична можност да уживаат во сонцето, кога температурите ќе бидат до 21 степен.

Веќе во вторник ќе може да уживаме во потопло и променливо време со температура до 24 степени.

Искористете го убавото време да уживате во некаде во природа!