Вчерашното чудо кое се случи во црквата Свети Димитрија во Скопје веќе привлекува големо внимание. Од рано изутрина, голем број верници и посетители ја посетуваат црквата за да ги видат фреските и да запалат свеќа за здравје.
Очигледно е дека при влегувањето во просторот на црквата сите фрески на ѕидовите имаат посебен сјај и изразени бои. Преку ноќ од нив исчезнала сета прашина, нечистотија и траги кои се собирале од чадот на свеќите. Оваа за христијанскиот свет невообичаена појава за прв пат се случува во Македонија. Според старешината на црквата Свети Димитрија, ова чудо не е случајност, зашто вчера се прославуваше Благиот ден-Благовец. На тој ден била соопштена благата вест. т.е. ангелот Архангел Гаврил на Марија и соопштил дека безгрешно ќе го зачне синот божји.