Скопје, 2 мај 2012 (МИА) - Топлиот бран што ја зафати Македонија од минатата недела според прогнозите на Управата за хидрометеоролошки работи ќе трае до петок, по што се очекуваат намалување на температурите за два до три степени.
За претстојниот викенд времето ќе биде суво и топло, со температури до 29 степени Целзиусови. Од денеска до петок се очекува нестабилно време локално со дожд и врнежи.
Од Управата истакнуваат дека топол бран со температури над 30 степени во мај кој траел од 1 до 15 е забележан во 2003 година, кога во Европа во текот во летните месеци од здравствени проблеми поради топлиот бран починале 40.000 лица.
Покрај топлите бранови, како последица на климатските промени се јавуваат и суши, студени периоди. Овие промени ќе бидат тема и на работилница што ќе се одржи на 8 и 9 мај во Маврово.