Ракција на ВМРО-ДПМНЕ на прес-конференцијата на Гордан Георгиев од СДСМСкопје, 11 јуни 2012 (МИА) - ВМРО-ДМНЕ повторно го поздравува продолжението од реализацијата на акцијата „Детонатор“ и расчистувањето со секаков вид криминал и корупција во Република Македонија, изјави на денешната прес-конференција Илија Димовски, директор на Центарот за комуникации на ВМРО-ДПМНЕ и член на ИК на партијата.
- СДСМ досега не најде храброст и сила да поздрави барем една од акциите на МВР во овие шест години, а такви беа многу. Нека најдат барем една акција која што ја поддржале во овие шест години, па дури тогаш ќе можеме да ги сметаме дека зборуваат сериозно и одговорно. Се дотогаш нивниот пристап или е дневно политички или пак има за цел да заштити од криминално гонење, некој од нивните членови, како што правеа многу пати во минатите шест години, рече Димовски.
|