Реакција на СДСМ на изјава на Александар БичиклискиСкопје, 11 јуни 2012 (МИА) - Во реакцијата на СДСМ на изјавата на портпаролот на ВМРО-ДПМНЕ Александар Бичиклиски се вели дека во времето на СДСМ парите паметно се инвестирале во капитални проекти како автопати, обиколници, енергетски објекти, гасоводи од кои корист имаат генерации граѓани, наспроти актуелната власт која троши на нефункционални проекти посочувајќи го „Скопје 2014“.
- Актуелната власт заклучно со 2012 година, преку државниот буџет потроши 18 милијарди евра народни пари, или троши една милијарда евра повеќе годишно од сите претходни влади. Резултатите се очајни, Македонија стана светски првак во економско-социјална мизерија, царува корупцијата во државните институции, стопанството се гуши во неликвидност, има рекордна сиромаштија и невработеност, се вели во пишаната реакција.
Владеачката партија, според нив, ќе остане запаметена по проектот “Скопје 2014“ со кој се изгубени 220 илјади работни места, а чија финализација проценуваат дека ќе доситегне половина милијарда евра.
|