Реакција на СДСМ на изјавата на БичиклискиСкопје, 12 јуни 2012 (МИА) - СДСМ во писмената реакција на денешната изјава на портпаролот на ВМРО-ДПМНЕ Александар Бичиклиски изнесува контаробвинувања за приватизација на општествен капитал и компании со, како што наведуваат, потпис на премиерот и лидер на владејачката партија Никола Груевски.
Според СДСМ, милиони евра завршиле во приватни џебови и партиски фондови со затворањето на националната платежна картичка, приватизацијата на ОКТА и на Телекомот.
- Груевски го потпиша и ФЕСАЛ 2 аранжманот и го заврши приватизирањето на она што остана од општествениот капитал, наведува опозициската партија, посочувајќи оти во еден ден, со еден потпис биле затворени 37 големи компании и отпуштени 34.450 работници.
СДСМ очекува некоја идна власт да го усвои амандманот за незастарување на кривичните дела поврзани со приватизацијата.
|