Опозицијата на протест

Скопје, 15 јуни 2012 (МИА) - Собранието на Република Македонија прекина со работа и ќе продолжи со седницата за еден час по барање на координаторот на пратеничката група на СДСМ Игор Ивановски.

Тој побара пауза од еден час поради протестот на СДСМ во 12 часот на улицата „Стив Наумов“, поради одлуката на Советот на Град Скопје за преименување на дел од улиците, булеварите, мостовите и плоштадите во главниот град.

Претседателот на Собрнието Трајко Вељаноски рече дека не се согласува со одлуката да се прекине работата на Парламентот, но оти според Деловникот должен е да го испочитува барањето на пратениците од СДСМ.

Пратениците ја прекинаа расправата по Предлог-законот за дополнување на Законот за социјална заштита во прво читање.