Во проектот „Скопје 2014“ место доби и нашиот најголем миленик Тоше Проески. Денеска неговата скулптура, чиј автор е Сретко Јовановски, беше поставена на „Мостот на уметноста“ кој се наоѓа на реката Вардар во центарот на Скопје.
Скулптурата на Тоше е една од вкупно 29-те скулптури, кои ќе бидат поставени на новиот мост кој треба да ги поврзе ГТЦ и кружната зграда на Јавното обвинителство.
Во средината на „Мостот на уметноста“ ќе се постави скулптура од три метри посветена на браќата Миладиновци, а двометарските скулптури на страните на мостот, освен на Тоше Проески, ќе бидат посветени и на Лазар Личеноски, Никола Мартиновски, Димитар Кондовски, Петар Мазев, Григор Прличев, Стале Попов, Крсте Петков Мисирков, Кочо Рацин, Јордан Хаџи Константинов-Џинот, Блаже Конески, Ацо Шопов, Славко Јаневски, Васил Иљоски, Ванчо Николески, Живко Чинго, Војдан Чернодрински, Димитар Пандилов, Никола Вапцаров, Неџати Зекирија, Муртеза Пеза, Адем Гајтани, Ристо Шишков, Петре Прличко, Властимир Николовски, Трајко Прокопиев, Тодор Скаловски, Стефан Гајдов.
Изградбата на мостот, долг 83 метри и широк 9,20 метри, чини речиси 2,5 милиони евра.
Мислите ли дека оваа скулптура соодветствува со сликата на харизматичниот Тоше Проески која постојано ја носиме во нашите срца?