Скопје, 5 октомври 2012 (МИА) - Три лица се повредени во инцидент кој настанал меѓу две групи во автобус број 22 на Јавното сообраќајно претпријатие - Скопје што се движел од Волково кон Центар.
Како што информираат од Минстерството за внатрешни работи ицидентот се случил во 12:30 часот после мостот „Обединети нации“ во скопската населба Карпош 4 меѓу две групи.
Според информациите на МВР, повредени се Ј.Е. (16), В.Г.(66) и А.М. (23) кои се пренесени во Градската општа болница „8 Септември“.
Полицијата приведе девет лица и работи на утврдување на учесниците и мотивите за инцидентот. На местото на настанот се пронајдени два ножа кои се земени за вештачење.