Средба на делегацијата на партијата на Македонците во Албанија со чешкиот амбасадорКорча, 26 февруари 2013 (МИА) - Делегација на партијата на Македонците во Албанија Македонска алијанса за европска интеграција (МАЕИ) предводена од преседателот Едмонд Темелко, се сретна со амбасадорот на Чешка во Република Албанија Бронислава Томашова.
На средбата, која се одржа вчера во Корча, се разговарало за повеќе теми кој ги засегаат Македонците во Албанија, како образованието на мајчин јазик, пописот спроведен минатата година, чии официјални резултати Македонците како и другите малцинства во Албанија не ги признаваат, порастот на национализмот во Албанија и притисокот врз Македонците во Албанија и ред други проблеми, информираат од партијата.
Преставниците на Македонска алијанса за европска интеграција, исто така, се заблагодариле за неодамнешната одлука на чешката Влада за признавање на Република Македонија под нејзиното уставно име, посочувајќи дека ова име е поврзано со сите Македонци без разлика каде и да живеат.
|