Скопје, 27 март 2013 (МИА) - Никола Младенов, новинар и сопственик на неделникот и на дневниот весник „Фокус“ загина во сообраќајна несреќа во близина на скопската населба Хиподром.
Патничкото возило со кое се превезувал излетало од патот. Информацијата ја потврдија и од редакцијата на „Фокус“.
Никола Младенов е роден на 10 март 1964 година во Скопје. Кариерата ја почнува како млад актер, но кон средината на 80-тите почнува да работи како новинар во „Млад Борец“. Потоа го основа радиото Либертас, а во 1995 почнува со издавањето на неделниот весник Фокус. Брендот на Фокус, Младенов го градеше цели 20 години. Во 2011 година го основа и дневниот весник „Фокус“.