Скопје, 10 април 2013 (МИА) - Јохан Тарчуловски денеска излезе од затворот во градот Диц, Германија, каде што ја издржуваше затворската казна.
Веднаш по излегувањето од затворот Тарчуловски, кој бил пречекан од неговата сопруга Соња, блиски пријатели и иселеници, го бакнал македонското знаме.
Според неговиот адвокат Антонио Апостолски, се очекува утре Тарчуловски да пристигне во Република Македонија.
Во Љубанци, родното село на Тарчуловски, се подготвуваат да го пречекаат.
Јохан Тарчуловски помина осум години во затвор, со што отслужи две третини од 12-годишната казна што му ја изрече Хашкиот трибунал.
Тарчуловски беше единствениот граѓанин на Македонија осуден за воени злосторства за време на конфликтот во Македонија, во 2001 година.