Убаво сончево време со високи температури, ни најавуваат метеоролозите од Управата за хидрометеоролошки работи за денеска. Според прогнозата на УХМР денеска ќе биде сончево со мала до умерена облачност и слаб до умерен северен ветер.
Индексот на ултравиолетовите сончеви зраци ќе биде осум, поради што е препорачливо да не се изложувате на сонце долго и да нанесувате креми со заштитен фактор. Температурите низ Македонија ќе се движат од 27 до 33 степени. Во Скопје ќе преовладува слично време со температури до максимални 31 степен.