Од МВР потврдуваат дека утринава е уапсен Паско Кузман. Но, повеќе детали за апсењето на првиот човек на Дирекцијата за заштита на култрното наследство најавуваат во текот на денот.
Според пишувањата на некои медиуми,Паско Кузман е приведен во врска со акцијата Фаланга 2 во која претходно паднаа 19 лица меѓу кои и вработени во Управата за заштита на културното наследство, Музејот на Македонија и Музејот во Демир Капија како и полициски службеник од Велес.
Групата од археолошки локалитети на територијата на Демир Капија, Свети Николе, Кавадарци и Скопје вршела илегални ископувања на предмети со културна и археолошка вредност, продавање на истите во Р.Македонија и странство како и продажба на икони за кои постојат сомненија дека потекнуваат од црковни објекти, а се со непроценлива вредност за културното наследство на Р.Македонија.