По повод роденденот на македонската ѕвезда Тоше Проески денеска се организира крводарителска акција.
Според организаторите Црвениот крст на Град Скопје, Институтот за трансфузиона медицина и Тоше фан форум клубот, акцијата која се организира по деветти пат е една од најпосетените и најмасовни акции. Ќе се спроведе во Домот на АРМ во Скопје од 10 до 18 часот.
Традицијата за одржување на крводарителски акции во спомен на Тоше Проески почна во 2010 година и оттогаш двапати во годината се реализираат во негова чест. Во досегашните осум акции 2.034 крводарители дарувале крв.