Скопје, 4 јуни 2014 (МИА) - Претседателот на СДСМ Зоран Заев и заменик претседателката Радила Шеќеринска в четврток ќе престојуваат во Брисел, соопшти партиската прес служба.
Предвидено е тие да имаат средби со претставници на Партијата на европски социјалисти (групацијата на социјалдемократски, социјалистички и лабуристички партии од Европа), како и со состанок со комесарот за проширување на ЕУ, Штефан Филе.
Заев и Шеќеринска, како што се вели во соопштението, ќе стават акцент на актуелната политичка ситуација во Македонија, по изборите во Македонија и можните излезни решенија што ги предлага СДСМ.