Тетово, 13 јуни 2014 (МИА) - Полицаец на околу педесетгодишна возраст, денеска околу 10 часот во Полициската станица за безбедност во патниот сообраќај во Тетово, е повреден со огнено оружје од страна на негов 35-годишен колега.
Повредениот, според тетовската полиција, веднаш бил префрлен во клиничката болница во градот од каде по укажаната помош во сериозна состојба бил пренесен на клиниките во Скопје.
Во моментов трае увидот на јавниот обвинител и екипа на СВР Тетово за тоа како дошло до инцидентот.