Наградата за најдобар афоризам на конкурсот во Кочани за Витомир Долински од Струга

Кочани, 30 март 2015 (МИА) - На распишаниот конкурс на тема „Лага,шега...“ на Здружението на граѓани „Афористичката репрезентација на Македонија“ со седиште во Кочани, пристигнаа афоризми од 8 автори од Македонија.
 
Жири комисијата во состав Јане Атанасов,афористичар од Кочани, Доне Донев професор по литература од Кочани и Ристо Филчевски, афористичар од Струмица додели три награди и специјална награда на единствената жена учесник на конкурсот Наташа Ѓурчиска од Делчево.
 
- Првата награда му е оделена на Витомир  Долински од Струга, втората на Ѓорги Хаџивасков од Скопје, а третата награда ја доби Васил Толевски од Скопје. Нивните афоризми беа најдобри од пристигнатите афоризми на осум автори кои конкурираа со серија афоризми на тема „Лага,шега...“, изјави Јане Атанасов, претседател на жири комисијата и на Здружението на граѓани „Афористичка репрезентација на Македонија“.
 
Атанасов најави дека на 3. април во Кочани ќе се одржи третата по ред вечер на македонскиот афоризам на која ќе бидат доделени наградите од годинешниот конкурс.