Вашингтон, 23 мај 2011 (МИА) - Дваесет и четири лица загинаа од торнадо во градот Џоплин, во сојузната држава Мисури, соопштија агенциите.
Во градот има и значителни материјални штети.
Торнадо уби уште две лица во државите Канзас и Минесота, соопштија американските медиуми.
Едно лице било убиено и петмина биле повредени од торнадо во градот Рединг, во државата Канзас. Над 20 куќи во градот биле целосно разурнати, а над 200 биле оштетени. Регионот беше зафатен и од силни бури, со ветрови со бризина до 165 километри на час, како и од град што на некои места исфрли мразулци со големина на топка за тенис.
Торнадо уби еден човек и во Минеаполис, во државата Минесота. Најсилно е зафатен еден од станбените реони на градот каде биле оштетени десетици куќи и стотици дрвја биле искорнати од земја.