Францускиот планинар Ален Робер, познат како „човекот пајак“ вчера успешно се искачи на највисоката зграда во светот, облакодерот Бурж Халифа во Дубаи, во Обединетите Арапски Емирати.
Французинот успеа да го совлада и заострениот врв, кој се издигнува над последните катови од 828 метарската зграда.
Тој на Бурж Халифа се искачи за шест часа, а по стемнувањето патот нагоре му го осветлуваа големи прожектори.
Четириесет и осум годишниот планинар за разлика од повеќе негови претходни искачувања, овој пат употреби јаже и безбедносни ремени, за да ги исполни барањата на организаторите.
Робер се искачил на 70 облакодери, а во повеќето случаи тоа го сторил без помошни средства.