Откриена е планета слична на Земјата, на која би можело да има живот и на која еден ден би можеле да се населиме.
Новата „супер-Земја“ се вика Gliese 581 C, според своето сонце, Gliese 581 – мало црвено џуџе на 20.5 светлосни години од тука, кое е три пати полесно од Сонцето.
Gliese 581 C е досега најмалата откриена егзопланета (планета вон сончевиот систем). Околу 15 пати е поблиску до својата ѕвезда, одошто е Земјата до Сонцето. Таму се слави нова година на секои 13 дена. Евентуалните жители не викаат „колку е мал светов“, затоа што е за 50% поголем од нашиот, а имаат силни нозе и ’рбетни столбови, затоа што е 5 пати потежок.
Компјутерските модели предвидуваат дека Gliese 581 C или е карпеста како Земјата или е воден свет, целосно прекриен со океани и со средни температури помеѓу 0 и 40 степени Целзиусови.