НАСА во 2011 година на Марс ќе го испрати вселенскиот ровер Mars Science Laboratory кој ќе ги врши неопходните истражувања на Црвената планета. Освен овој научен потфат, НАСА на сите Земјани им овозможи да станат дел од историјата, така што заедно со роверот на Марс ќе ги испрати и имињата на сите кои ќе се пријават.
Сите имиња кои ќе се испратат преку сајтот на НАСА, ќе бидат меморирани во посебен микро чип и вградени во ова возило, специјално направено за истражувањето на Марс. Доколку до него дојде некоја вселенска супер-раса, на него ќе најде податоци за околу 200.000 љубопитни Земјани.
На сајтот на
НАСА е поставен формулар кој може да го пополни кој сака, а во моментов се пријавени над 174.330 лица кои сакаат нивното име да се најде во Вселената. Ви препорачуваме да побрзате, бидејќи никој не знае колкав простор е резервиран за имињата.
НАСА ова го правеше и претходно, па така имињата на многу луѓе веќе се на Марс, благодарение на чипот кој го понесе роверот Phoenix.