Велосипед на иднината

Претставен е новиот велосипед кој има одличен сигурносен систем, гуми кои не можат да се дупнат, а може да биде достапен за секојдневна употреба во рок од 20 години.

Поранешниот велосипедист Крис Боардман, кој освои златен медал на олимписките игри во Барселона,1992 година, го откри ова најголемо достигнување во дизајнот на велосипеди.

Овој велосипед кој изгледа како да излегол од научнофантастичен филм има брава која ќе може да се отвори само со отпечаток од прстите на сопственикот. Рамот е направен од лесни карбонски влакна, а може да се движи и со помош на електромотор кој ќе се полни со соларни келии. На него ќе има и компјутер кој ќе ги брои калориите и вртежите на педалите.

- Ваков велосипед ќе биде достапен за максимум 20 години. Доколку денес се продава, тој би вредел околу 500.000 фунти, а со индустриско производство цената ќе падне на 2.000 долари, изјави Боардман.