Нискобуџетската авиокомпанија „Изиџет“ денеска го претстави првиот радар во светот за откривање на вулканска пепел.
Апаратот, кој треба да биде монтиран на опашката на авионот и да регистрира присуство на пепел на 160 километри, би можел да спречи ново затворање на европскиот воздушен простор како што имаше во мај поради облакот од вулканот на Исланд.
Авиокомпанијата соопшти дека се планираат тестирања на новиот детектор за вулканска пепел со производителот на авиони „Ербас“ и оти се надева дека до крајот на годината апаратот ќе го монтира на десет свои авиони.