Во Дебар одбележан Денот на победата над фашизмотДебар, 9 мај (МИА) - Со свечена седница дебарската боречка организација денеска го одбележа 9 Мај - Денот на победата над фашизмот и 63 - годишнината од загинувањето на народниот херој Лиман Каба.
На седницата на која присуствуваа претставници на дебарските инситуции, невладини организации и ученици, реферат за значењето на денот и за животниот пат на народниот херој Лиман Каба прочита претседателот на боречката организација Садик Колеци.
Лиман Каба е роден во Дебар во 1924 година. Активно бил вклучен во комунистичкото движење, а од самиот почеток е во првите редови на партизанските единици. Се борел на речиси целата територија на Македонија, како и во Албанија, Србија, Босна и Хрватска, каде што на 9 мај 1945 година во градот Криж го положи животот за слободата.
Од Дебарско во НОБ животот го загубија повеќе од 150 борци. Покрај Каба, народен херој е и Ибе Паликуќа, а децетици учесници во НОБ се првоборци.
Ученици од дебарските основни училишта „Братство единство“ и „Саит Најдени“ одржаа пригодна програма.
|