Протеинските прашоци кои масовно ги користат билдерите ја кријат формулата за долг и здрав живот, тврдат научниците. Растворени во вода, протеинските прашоци ги хранат мускулите, ја подобруваат кондицијата, рамнотежата и координацијата. Протеинските прашоци кои можат да се купат во продавниците за здрава исхрана и преку интернет, го продолжуваат животниот век за 12 отсто, покажа последната научна студија.
Новите наоди се добиени благодарение на експериментите врз животни, но научниците истакнуваат дека ваквите прашоци кај луѓето придонесуваат за продолжување на животот за дополнителни 10 години.
Италијанските експерти им ги препорачуваат протеински прашоци на средовечните луѓе бидејќи тие се своевиден „еликсир на животот“, односно дека токму овие додатоци им помагаат на милиони луѓе во староста да имаат добро здравје.
Измешани со млеко или некоја каша, протеините ги зајакнуваат заморните мускули што пак го намалува ризикот од болни падови и фрактури во староста.
Доколку се користат во подоцнежните стадиуми од животот, протеините им обезбедуваат дополнителна енергија на лицата кои имаат проблеми со срцето, белите дробови и слично.
- Податоците кои ги добивме со истражувањата не мотивираа да им препорачаме на средовечните лица да почнат да ги користат протеинските суплементи, вели истражувачот и професор Енцо Нисоли од Универзитетот во Бресција, кој на глувците им давал вода со аминокиселини од кои се сочинети протеините.
Трите разгранети синџири на аминокиселините кои се користени се леуцин, изолеуцин и валин. Глувците кои консумирале протеини живееле осумдесет дена подолго од обичните глувци.
Особено важно е што протеинските прашоци немаат никаква споредни ефекти.
Сè уште не е познато дали сите протеини кои се продаваат под различно име, меѓу кои е и Aminotrofic го продолжуваат човечкиот живот. Кога се земаат по педесет и петтата година од животот, протеинските прашоци влијаат врз подобрување на здравјето во староста.
Прашоците кај лицата во поодминатите години од животот може да помогнат при справување со срцевите и белодробните проблеми, но и со дијабетесот.
Експертите велат дека студијата покажала дека земањето протеини имало мал или речиси никаков ефект кај младите лица.
Трите аминокиселини кои се наоѓаат во протеинските прашоци исто така во голема мера се наоѓаат и во пилешкото месо. Кога се земаат како додаток во исхраната, протеините не мора да се варат, поради што брзо стигнуваат во крвотокот.
Професорот Носило тврди дека протеините го поттикнуваат зголемувањето на бројот на митохондриите кои пак ја претвораат храната во енергија која ја користи телото и мозокот. Протеините исто така го штитат телото од опасните молекули кои влијаат врз стареењето на ткивата и ќелиите, додека од друга страна ја поттикнуваат активноста на генот кој придонесува за долговечноста.