Научниците открија дека жените кои имаат склоност кон ризикување, поседуваат високо ниво на тестостерон, а со тоа и покажуваат поголем глад за секс. Овој хормон, освен тоа што ја зголемува потребата за секс, е тесно поврзан и со компетитивноста и доминацијата.
Истражувањата покажуваат дека високите нивоа на тестостерон се поврзани со ризичното однесување, како што е коцкање и претерано уживање во алкохол. Со цел да ја истражат оваа врска, американските научници го измерија количеството на тестостерон во плунката земена од 500 студенти и студентки од универзитетот во Чикаго.
Испитаниците требале да изиграат компјутерска игра кој што го проценува нивното ниво на ризик. Серијата прашања им овозможила на избираат помеѓу гарантирана парична награда или уште поголема, но ризична добивка на лото. На нив било оставено да решат дали ќе играат сигурно или ќе ризикуваат. Кај жените кои биле склони кон ризик , е забележано високо ниво на тестостерон, додека тоа не е случај со мажите.
Според истражувањето жените не се склони на ризик кога станува збор за финансиски одлуки. Тоа е докажано со податокот што 36 отсто од жените избрале кариера каде финансиски најмногу се ризикува, додека овој тип на кариера е застапен кај мажите со 57 отсто.